გუშინ "ბარსელონამ" მეტად მნიშვნელოვანი გამარჯვება მოიპოვა "სანჩეს
პისხუანზე". კატალონიელებმა "სევილია" ანგარიშით 3:2 სძლიეს. მატჩის
შემდეგ დანი ალვეში გახარებული იყო ამ გამარჯვებით და განაცხადა, რომ ამ
გამარჯვებით კიდევ ერთი დიდი ნაბიჯია გადადგმული წინ.
"გუნდმა ძალიან კარგად ითამაშა და დამსახურებული 3 ქულაც მოიპოვა. ჩვენ
თავიდანვე ვაცნობიერებდით, რომ იოლი გასეირნება არ გველოდა. "სევილია"
ძალიან კარგი გუნდია, მითუმეტეს, როდესაც საკუთარ კედლებში ასპარეზობს.
ჩვენ ძალიან დიდი ნაბიჯი გადავდგით ჩემპიონობისაკენ, მხოლოდ და მხოლოდ
ერთი ნაბიჯი დაგვრჩა საბოლოო წარმატებამდე. "ვალიადოლიდთან"მატჩში
აუცილებლად უნდა მოვიპოვოთ 3 ქულა".
აქვე გთავაზობთ სხვა ფეხბურთელების კომენტარებსაც:
ჩავი
"მოხარული ვარ გუნდის გამარჯვებით. ჩვენ ძალიან კარგად ვითამაშეთ,
შეგვეძლო მატჩი 5:0 – იც მოგვეგო, მაგრამ ეს ასე არ მოხდა. აღსანიშნავია
"სევილიის" ბოლო წუთამდე ბრძოლა. ვერ ვიტყვი, რომ ადვილად მოვიპოვეთ, 3
ქულა, მაგრამ რაც ყველაზე მთავარია ლა ლიგაში კვლავ ჩვენ ვლიდერობთ. ჩვენ
მხოლოდ და მხოლოდ ერთი მატჩი დაგვრჩა, აუცილებად უნდა გავიფორმოთ
ჩემპიონობა "კამპ ნოუზე".ეს იყო შესაძლოა სეზონის ყველაზე მნიშვნელოვანი
თამაში, ჩვენ ვიცოდით, რომ მადრიდი ჩვენს პატარა წაბორძიკებას ელოდა,
მაგრამ ეს არ მოხდა, რაც ძალიან მახარებს".
ვალდესი
"შეიძლება ითქვას, 3:0 შემდეგ ცოტათი მოვეშვით, რითაც მეტოქემ
ისარგებლა და 2 ბურთი გაგვიტანა. მაგრამ ამის შემდეგ ყველაფერი თავის
ადგილას დადგა, ჩვენნ ჩვენნი თამაში გავაგრძელეთ, ბურთს ვაკონტროლებდით და
არ ვაძლევდით საშუალებას მეტოქეს, რომ მწვავედ შეეტია. ეს 3 ქულა ძალიან
დიდი წინ გადადგმული ნაბიჯია. ჩვენ ერთადერთი მატჩი დაგვრჩა სადაც
აუცილებლად 3 ქულა უნდა მოვიპოვოთ".
პედრო
"შეიძლებოდა მატჩის სულ სხვა ანგარიშითაც დასრულებულიყო, ბოლოში
ყურადღება რომ არ მოგვედუნებინა. ძალიან ბევრი მომენტი ვერ გამოვიყენეთ,
მეტოქემ კი მაქსიმალურად გამოიყენა მომენტები და გაიტანა 2 გოლი. მთავარია
3 ქულა მოვიპოვეთ და ჩემპიონობამდე მხოლოდ და მხოლოდ ერთი მატჩი დაგვრჩა.
"ვალიადოლიდთან" 3 ქულის აღება გვმართებს".
საბოლოოდ "ბარსელონას" ფეხბურთელები კატალონიაში თვითმფრინავით
დაბრუნდნენ. მატჩის შემდეგ დოპინგ–კონტროლი პინტომ და ბოიანმა გაიარეს.
ვარჯიშები სამშაბათს ადგილობრივი დროით 11 საათზე "სიუდად დეპორტივოზე"
განახლდება.
