აქვე გთავაზობთ სხვა ფეხბურთელების კომენტარებსაც:
პუიოლი
"მოხარული ვარ მორიგი 3 ქულის აღებით. ეს ჩვეულებრივი 3 ქულის აღება არ არის, ეს არის გამარჯვება "ბერნაბეუზე”, სტადიონზე, რომელზეც ქულის აღებაც კი ძალიან რთულია. თვითონ მატჩი ძალზე რთული იყო, მაგრამ ჩვენ ყველაფერი გავაკეთეთ მოსაგებად. მადრიდში 3 ქულის ასაღებად ჩამოვედით და ეს გავაკეთეთ კიდეც. გვარდიოლა შესანიშნავი მწვრთნელი და შესანიშნავი ადამიანია. მან საოცრად განგვაწყო გუნდი "რეალის” წინააღმდეგ სათამაშოდ. ვფიქრობ ყველაფერი ძალიან კარგად გავაკეთეთ და დამსახურებულადაც გავიმარჯვეთ. მინდა ავღნიშნო გაბი მილიტოს თამაში. მას ძალიან ცუდი პერიოდი ჰქონდა ტრავმის შემდეგ, იგი ვერა და ვერ ახერხებდა ძველი ფიზიკური კონდინციების დაბრუნებას. ახლა ვთვლი, რომ არგენტინელმა ძველი ფიზიკური კონდინციები დაიბრუნა”.
პიკე
"ორი გამარჯვება "კლასიკოში” წლევანდელ სეზონში შესანიშნავი შედეგია. მინდა ავღნიშნო ვალდესის თამაში. იგი ძალზე დამაჯერებლად გამოიყურებოდა ამ მატჩში. ეს დამაჯერებლობა მთელ გუნდს "გადაედო”. ჩვენ შესანიშნავად ვითამაშეთ და დამსახურებულადაც მოვიგეთ. სხვაობა ჩვენსა და რეალს შორის 3 ქულაა. ფეხბურთში ყველაფერი ხდება, ამიტომ სეზონის ბოლოს ძალზე ყურადღებით უნდა ვითამაშოთ”.
ალვეში
"ძალიან რთული თამაში იყო. შესანიშნავად ვითამაშეთ და დამსახურებულადაც გავიმარჯვეთ. მწვრთნელმა მატჩის წინ მოგვცა დავალება, რომ რაც შეიძლება ამოოგვეკეტა თავისუფალი ზონები. ჩვენ მიერ დაკისრებულ სამუშაოს თავი კარგად გავართვით. ძალიან მნიშვნელოვანი გამარჯვება იყო”.
ვალდესი
"ძალიან მნიშვნელოვანი გამარჯვება მოვიპოვეთ ძალიან რთულ მატჩში. მწვრთნელმა მატჩის დასაწისში ერთგვარი გადაადგილებები მოახდინა. ალვეში ძალზე სწრაფი და ენერგიული ფეხბურთელია, მან ყველაფერი კარგად გააკეთა. გუნდმა შესანიშნავად ითამაშა და დამსახურებულადაც გაიმარჯვა.
ვარჯიში განახლდება ორშაბათს ადგილობრივი დროით 11 საათზე "სიუდად დეპორტივოზე”.
