შესანიშნავი მეორე ნახევრის შემდეგ ბარსამ რევანში აიღო კოპა დელ რეის ტურნირზე 4-0 გამარჯვებითგამოწვეული იმედგაცრუების გამო. გუშინ საღამოს რეალ მადრიდმა წააგო ატლეტიკ ბილბაოსთან, რაც იმასნიშნავს, რომ ეს გამარჯვება ხუთი ქულით დააწინაურებს ბარსელონას. ბარსას ანგარიში ესკუდეს ავტოგოლით გაიხსნა, შემდგომ პედრომ გააორმაგა უპირატესობა და უკანასკნელი ხუთი წუთის განმავლობაში მესიმ ორი გოლით დააფიქსირა საბოლოო ანგარიში. საკუთარი პირველი გოლით მესიმ ბარსას რიგებში მე-100 გოლი გაიტანა და ახლა კლუბის ისტორიაში ყველაზე ახალგაზრდა ფეხბურთელია ამ შედეგით. გუარდიოლამ ერთი ცვლილება განახორციელა - ვალდესი გოლკიპერის პოზიციაზე დააბრუნა.

ბარსამ ბრწყინვალედ გახსნა მატჩი. მე-6 წუთზე ინიესტამ გაათამაშა ბურთი ანრისკენ, რომელმაც შუა მოედანზე იბრას ჩააწოდა, თუმცა მან  ვერ მოახერხა რეაგირება. მე-13 წუთზე ხავიმ შესანიშნავი ჩაწოდება განახორციელა ანრის მიმართულებით, თუმცა პალოპმა მოასწრო დაბლოკვა.

ამ შესრულებით, ბარსა დაუბრუნდა საკუთარ მოგებების სერიას. ინიესტამ და ხავიმ მართლაც საუკეთესოდ მოახერხეს საკუთარი თავის წარმოჩენა. მესიმ კიდევ ერთხელ დაამტკიცა, რომ არ აპირებს უარი თქვას მომავლის საუკეთესო ფეხბურთელის ტიტულზე. ახლა ის ლიგის ტოპ ფეხბურთელთა სიის თავშია ორი გოლით. პედრო მშვენივრად გამოიყურებოდა და ბოლო ნაწილში წარმატებულად ითამაშა. საეჭვო იყო მხოლოდ იბრაჰიმოვიჩის ფორმაში ყოფნის საკითხო. ბოლო რამდენიმე თამაშის მანძლზე მან ვერ მოახერხა სტანდარტთან მიახლოება.