სახელი: ზლატან იბრაჰიმოვიჩი
ნომერი: 9
დაბ. ადგილი: მალმიო (შვედეთი)
დაბ. თარიღი: 03.10.1981
სიმაღლე: 195 სმ
წონა: 95 კგ
ზლატან იბრაჰიმოვიჩი დაიბადა შვედეთში, ქალაქ მალმიოში 1981 წლის 3 ოქტომბერს. მისი მამა იყო ბოსნიელი, დედა კი ხორვატი. ახმახი შვედი თავდამსხმელი “ბარსელონას” თავისი კარიერის პიკზე შეუერთდა. დღესდღობით იბრაჰიმოვიჩი მსოფლიოში ერთ–ერთი საუკეთესო ცენტრფორვარდია. იგი კარგად თამაშობს მეორე სართულზე, არის სწრადი, შედეგიანი, ეფექტური. მისი სათამაშო სტილი თანაგუნდელებს უკეთ თამაშის საშუალებას აძლევს.
საფეხბურთო კარიერა იბრაჰიმოვიჩმა “მალმიოში” დაიწყო, 2001 წელს კი “აიაქსში” გადაბარგდა, სადაც დღევანდელ პარტნიორთან, მაქსველთან ერთად უწევდა ასპარეზობა. ამსტერდამულ კლუბში იბრაჰიმოვიჩმა დაიწყო იმ თამაშს ჩვენება, რომლის წყალობითაც მთელი მსოფლიოს ყურადღება მიიქცია. “აიაქსში” შვედის მწვრთნელი, წარსულში “ბარსელონას” ვარსკვლავი, რონალდ კუმანი იყო.
ჰოლანდიაში გატარებული სამი წლის განმავლობაშიც მან ჰოლანდიის ჩემპიონატი სამჯერ, ასევე ქვეყნის თასი და სუპეთასი მოიგო. შემდეგ კი დადგა იტალიური ერის დრო. “აიაქსიდან” ზლატანი ტურინის “იუვენტუსში” გადაბარგდა, სადაც მისი დამრიგებელი ფაბიო კაპელო იყო. ტურინულ კლუბში შვედი თავდამსხმელი ორი წლის განმავლობაში თამაშობდა. ამ ხნის განმავლობაში “იუვემ” ორჯერ მოახერხა იტალიის სერია A-ს მოგება, მაგრამ თამაშების ჩაწყობის გამო გუნდს ორივე ტიტული ჩამოერთვა და სერია B-ში იქნა გაგდებული. იბრაჰიმოვიჩმა მეორე დივიზიონში თამაშს კვლავ უმაღლეს დონეზე ასპარეზობა არჩია და მილანის “ინტერში” გადაბარგდა, სადაც ზედიზედ სამჯერ მოიგო იტალიის ჩემპიონატი. ასევე ზლატანის იტალიურ ტიტულატურაში შედის ქვეყნის ორი სუპერთასი. შვედი ფეხბურთელი თავდასხმის ლიდერი იყო როგორც მანჩინის, ასევე მაურინიოს მწვრთნელობის დროსაც.
“ბარსელონაში” იბრაჰიმოვიჩის პრეზენტაცია 2009 წლის 27 ივლისს შედგა და მას 60,000 გულშემატკივარი დაესწრო, რაც კლუბის ისტორიაში რეკორდული მაჩვენებელია.
ზლატანი ასევე წამყვანი ფეხბურთელია შვედეთის ნაკრებშიც. ქვეყნის საუკეთესო ფეხბურთელად იბრაჰიმოვიჩი სამჯერ, 2005, 2007 და 2008 წლებში იქნა არჩეული.
იბრაჰიმოვიჩი ყოველთვის ითვლებოდა განსაკუთრებული თვისებებით დაჯილდოებულ ფეხბურთელად, რომელსაც არაერთი ულამაზესი გოლი აქვს გატანილი. იტალიაში მას ზედმეტსახელად “იბრაკადაბრა” შეარქვეს. მიუხედავად იმისა, რომ შვედი 192 სანტიმეტრია, იგი მაინც შესანიშნავ ტექნიკას ფლობს, არის ფიზიკურად ძლიერი. ერთი სიტყვით, იბრაჰიმოვიჩი შესანიშნავი ცენტრფორვარდია. გასულ სეზონში მან “ინტერის” შემადგენლობაში, იტალიის ჩემპიონატში 25 გოლის გატანა მოახერხა.
გუნდური მიღწევები
ესპანეთის სუპერთასი – 2009/10
ევროპის სუპერთასი – 2009/10
იტალიის ჩემპიონი – 2006/07/ 2007/08/ 2008/09
იტალიის სუპერთასი – 2006/07/ 2007/08
ჰოლანდიის ჩემპიონი – 2001/02, 2003/04
ჰოლანდიის თასი – 2001/02
ჰოლანდიის სუპერთასი – 2002/03
ინდივიდუალური მიღწევები
იტალიის ჩემპიონატის საუკეთესო ბომბარდირი – 2009
იტალიის ჩემპიონატის საუკეთესო ფეხბურთელი – 2008
იტალიის ჩემპიონატის საუკეთესო უცხოელი ფეხბურთელი – 2006, 2008
შვედეთის საუკეთესო ფეხბურთელი – 2005, 2007, 2008
შვედეთის საუკეთესო სპორტსმენი – 2007
შვედეთის წლის ათლეტი – 2007
