ბარსელონას ყოფილმა ფეხბურთელმა იაია ტურემ პრესასთან პირველად განიხილა მისი გადასვლის მიზეზები. გულშემატკივრები გააოცა ტურეს გადაწყვეტილებამ მანჩესტერ სიტიში გადასვლის შესახებ. კლუბისთვის კი საკმაოდ რთული იქნება ასეთი მნიშვნელოვანი ფეხბურთელის ჩანაცვლება. კითხვაზე, თუ როგორ შეეძლო მსოფლიოს ერთ-ერთი უძლიერესი კლუბის დატოვება, ტურემ უპასუხა: „როცა ამბობ, მინდა ბარსელონა დავტოვო, ხალხი ფიქრობს, რომ ნორმალური არ ხარ. ბარსა დიდი გუნდია, დიდებული გუნდი, ამიტომ არავის სურს მისი დატოვება." მოგვიანებით ტურე თავდაცვაზე გადავიდა: „არ მინდა ამაზე ლაპარაკი, არ მინდა ბარსელონაზე ლაპარაკი." თუმცა ტურემ სიამოვნებით ისაუბრა სიტიზე, როგორც ახალ კარზე მის კარიერაში: „ბარსელონაში ყველაფერი მოვიგე, ახლა მეტი მჭირდებოდა, ახალი სიძნელე... მანჩესტერ სიტის უნდა საკუთარი ისტორია შეცვალოს. გვინდა ეს გუნდი გავაძლიეროთ და ამას შევძლებთ. მე და ჩემს ძმას დიდი გეგმები გვაქვს ამ კლუბთან დაკავშირებით." შეიძლება თუ არა ჩავთვალოთ, რომ ტურეს მობეზრდა? ნუთუ ეს საკმარისია პროფესიონალი ფეხბურთელისთვის მიატოვოს ისეთ გუნდი, როგორიც ბარსაა? ან იქნებ საქმე კვირაში 200’000 ევროიან კონტრაქტს ეხება?!
