მოსკოვის "სპარტაკში" მოასპარეზე ვუნდერკინდმა ჯანო ანანიძემ, გასულ
კვირაში "სიბირთან" მატჩში მორიგი შოუ შესთავაზა გულშემატკივარს.
ჩვენებურმა რუსეთის პრემიერლიგაში დუბლი მიითვალა და ქომაგებს შთამბეჭდავი
თამაშით დაამახსოვრა თავი. ჯანოს გამორჩეული ოსტატობა რუსეთს მიღმაც არ
დარჩენიათ შეუმჩნეველი. ვებგვერდ sports.ru-ს ინფორმაციით, ესპანური
"სევილიის" სკაუტებმა "სპარტაკს", "სიბირთან" ჩატარებული მატჩის DVD
ჩანაწერი შეუკვეთეს. პარარელურად კი "სპარტაკთან" მოლაპარაკება დაიწყეს,
ანანიძის გასხვისებას რომ დააპირებთ, "სევილიით" დაიწყეთ მოლაპარაკებებიო.
თუმცა ანდალუზიელებმა რუსებისგან უარი მიიღეს.
შეგახსენებთ, რომ
უცხოურ კლუბთაგან საჯაროდ პირველმა "სევილიამ" განაცხადა ჯანო ანანიძის
ტრანსფერის სურვილი. ამ გუნდის გარდა, ანანიძით "იუვენტუსი", "არსენალი",
"მილანი", "ვესტ ჰემი" და სხვა კლუბები დაინტერესდნენ. თუმცა, sports.ru
-ს მტკიცებით, ჯანოს მამა, ამირან ანანიძე საჯაროდ აცხადებს, რომ მისი
შვილი ჯერჯერობით "სპარტაკს"' არ დატოვებს.
