თუ საიტზე ტექსტის ზომა არ მოგწონთ, მაშინ დაარეგულირეთ მოცემული ღილაკებით!
მინი-ჩეთი
ჩვენი გამოკითხვა
გამოკითხვა
მესი
1
პედრო
0
კეიტა
0
ვილია
1
სტატისტიკა
სულ ონლაინში: 2
სტუმარი: 2
მომხმარებელი: 0
Esperando Contenido Widget ...
ორი უმნიშვნელოვანესი მატჩი ქართული საკლუბო ფეხბურთის ისტორიაში - 29 ივლისში 2010 - Barcamania
მთავარი » 2010 » ივლისი » 29 » ორი უმნიშვნელოვანესი მატჩი ქართული საკლუბო ფეხბურთის ისტორიაში
ორი უმნიშვნელოვანესი მატჩი ქართული საკლუბო ფეხბურთის ისტორიაში
2:01 PM
"ზესტაფონმა” გუშინ საღამოს ივარჯიშა "უკრაინაზე”. გუნდის თავკაცმა გია
გეგუჩაძემ უფრო ბურთთან კონტაქტს დაუთმო ყურადღება. საღამოსვე, გეგუჩაძემ
პრესკონფერენცია გამართა და მისი ნაუბარი "მსოფლიო სპორტს” "ზესტაფონის”
პრესატაშემ, სერგო ფუტკარაძემ გადასცა: - "კარპატიზე” რას იტყვით, გაქვთ სრული წარმოდგენა მეტოქეზე?
- უკრაინის ჩემპიონატის გასული სეზონის რამდენიმე მატჩი და ამ ზაფხულს
გამართული შეხვედრებიც ვნახე. "კარპატის” პროგრესი აშკარაა. ჩვენს
მეტოქეს უყვარს და შეუძლია კიდეც შემტევი თამაში. - ფრე დაგაკმაყოფილებთ?
- კონკრეტიკას მოვერიდები. კმაყოფილი მაშინ ვიქნები, თუ შემდეგ ეტაპზე გავალთ. - "ზესტაფონს” ლეგიონერები არ ჰყავს. ამის გამო, თქვენი გუნდი ერთფეროვანი ხომ არაა?
- ერთფეროვანი? არანაირად.
ფუტკარაძის ცნობით, ლვოვში ცივა და წვიმს, რის გამოც, მინდორი იდეალურ
მდგომარეობაში ვერაა – მძიმე გრუნტია და ამის შესახებ გეგუჩაძემაც თქვა.
სწორედ ამის გამო, "კარპატიმ” გუშინდელი ვარჯიში საკუთარ ბაზაზე გამართა:
მინდვრის საფარს მოუფრთხილდნენ.
ლვოვის კლუბის საიტზე წინასამატჩო ამბებია აღწერილი და "ზესტაფონი” ასე
დაახასიათეს: "ისინი საკმაოდ ტექნიკურები არიან და იმპროვიზაცია შეუძლიათ,
თუმცა, უბურთოდ თამაშში მოიკოჭლებენ, რითაც "კარპატიმ” უნდა ისარგებლოს.
ჩვენი კოზირი სწორედ ბურთის გათამაშებაა, რაც უკრაინის ჩემპიონატში
ბევრჯერ გამოჩნდა”.
აქვე ვთქვათ, რომ კონონოვი 4-3-2-1 (ან 4-3-3) სქემას ანიჭებს
უპირატესობას და სადღეისო სავარაუდო შემადგენლობა "კარპატის” საიტზეც
წერია: მეკარე ანდრეი ტლუმაკის წინ, დაცვის ფლანგებზე არტიომ ფედეცკი
(მარჯვნივ) და იგორ ოშჩიპკო (მარცხნივ) გამწესდებიან, ცენტრალური დაცვის
წყვილს კი სერბთა დუეტი შექმნის ივან მილოშევიჩ-ნემანია ტუბიჩის სახით.
საყრდენი ნახევარმცველი ნიგერიელი სამსონ გოდვინია, რომლის წინ ანდრეი
ტკაჩუკი და გუნდის საუკეთესო ფეხბურთელად მიჩნეული იგორ ხუდობიაკი
ითამაშებენ. ფლანგებიდან შეუტევენ დენის კოჟანოვი (მარჯვნივ) და სერგეი
ზინიოვი (მარცხნივ), გამოკვეთილი ფორვარდი კი ბრაზილიელი ბატისტა იქნება.
როგორც ჩანს, სანდრო გურულს ადგილი ვერ "გამოუძებნეს”, მაგრამ თუ ქართველი
ითამაშებს, კოჟანოვის ან ზინიოვის ადგილზე – ფლანგელ ნახევარმცველად.
"ზესტაფონის” სავარაუდო თერთმეტეული ასეთია: კვასხვაძე, ალადაშვილი,
ონიანი, ხიდეშელი, ელიავა, დაუშვილი, ძარია, გრიგალაშვილი, აფციაური,
დვალი, გელაშვილი.
ერთიც, მატჩის პირდაპირი ტრანსლაცია უკრაინულ არხ "ფუტბოლზე” იქნება.