კატალონიის "ბარსელონას” არგენტინელმა ვარკსვლავმა ლეო მესიმ, საკმაოდ საინტერესო ინტერვიუ მისცა ”La Gazzetta dello Sport–ს”.
როგორი გრძნობა არის, როდესაც ჩემპიონთა ლიგის ერთ მატჩში ოთხი გოლი გაგაქვს?
– ძალიან, ძალიან ბედნიერი ვარ. მე შევასრულე პოკერი და სიმართლე გითხრათ, ბრწყინვალე გრძნობაა.
რატომ არ სთხოვე გუნდის მთავარ მწვრთნელს, რომ შეცვლილიყავი? არ დაიღალე?
–მე ფეხბურთი მიყვარს და ყველა მატჩში მზად ვარ 90 წუთი ვითამაშო.
შენი კარიერის საუკეთესო წლებია?
– ჯერ კიდევ შემიძლია, უკეთესი გავხდე. ჩემი თანაგუნდელები ძალიან მეხმარებიან და მათთან ერთად ყველაფერი გაცილებით ადვილი არის.
პეპი გუნდისთვის ყველაზე მნიშვნელოვანია?
– იგი ძალიან კარგი ადამიანია. მას ყველასთან შეუძლია საერთო ენის გამონახვა. ამასთანავე,იგი ბრწყინვალე მწვრთნელია.
როგორ ემზადება გუნდი "ბერნაბეუზე” სათამაშოდ?
– ყველა წევრი მოტივირებულია. ფრთხილად უნდა ვიყოთ, რადგან ნებისმიერი შეცდომა ძვირად დაგვიჯდება.
არის ეს განსაკუთრებული მატჩი?
– "კლასიკო” არაფერს გადაწყვეტს. კიდევ ბევრი მნიშვნელოვანი მატჩია დარჩენილი.
როგორი რეაქცია გაქვს, როდესაც კრისტანუს გადარებენ?
– მე არ ვფიქრობ ამაზე. ჩემთვის მთავარია გუნდმა
ითამაშოს კარგად, მაგრამ ჩავისთან,ინიესტასთან და ბუსკეტსთან თამაში, რა
თქმა უნდა ძალიან სასიამოვნოა. მე ბედნიერი ვარ და უკეთესად ვთამაშობ.
მოგწონს შენი ახალი პოზიცია?
– მთავარია გუნდისთვის მეტი სარგებელი მოვიტანო და მზად ვარ დაცვაშიც ვითამაშო.
რას ფიქრობ მსოფლიოს ჩემპიონატზე?
– ეს სულ სხვა განზომილებაა.
ვისთან ერთად ინატრებდი სამხრეთ აფრიკაში თამაშს?
– გაბი მილიტოსთან. იგი ჩემი ძალიან დიდ ხნის მეგობარია.
ითამაშებდი იტალიაში?
– არა რა თქმა უნდა. ჩემი ოცნებაა "ბარსელონაში” დიდხანს თამაში.