მას შემდეგ, რაც ცნობილი გახდა "ოქროს ბურთის” მფლობელის ვინაობა,
გამარჯვებულმა ლეო მესიმ ჟურნალ "ფრანს ფუტბოლს” მცირე ინტერვიუ მისცა. - რა იგრძენით, როდესაც გაიგეთ, რომ 2009 წლის "ოქროს ბურთის” მფლობელი გახდით?
- უდიდესი პატივია, იყო ამ ჯილდოს მფლობელი. განსაკუთრებით სასიხარულოა,
რომ ვარ პირველი არგენტინელი, რომელმაც "ოქროს ბურთი” მოიგო. - ელოდით ასეთ შედეგს?
- სიმართლე გითხრათ, ვიცოდი, რომ ფავორიტთა შორის ვიმყოფებოდი, რადგან
გასულ სეზონში "ბარსელონამ” ყველაფერი მოიგო. მაგრამ არ მეგონა, თუ ასეთი
უპირატესობით (240 ქულა) ჩამოვიშორებდი მეორე ადგილზე გასულ ფეხბურთელს.
ჩემთვის ეს ჯილდო რაღაც განსაკუთრებულია. ყველა, ვინც იგი ჩემამდე მოიგო,
ბრწყინვალე ფეხბურთელი იყო. აგრეთვე იყო არაერთი კარგი ფეხბურთელი,
რომლებმაც "ოქროს ბურთის” მოგება ვერ მოახერხეს. - ვის მიუძღვნით ამ ჯილდოს?
- ჩემს ოჯახს. სწორედ ისინი იყვნენ ჩემს გვერდით, როდესაც დახმარება
მჭირდებოდა. ზოგჯერ მათი ემოციები უფრო ძლიერი იყო, ვიდრე ჩემი. ამ ჯილდოს
მათ მივუძღვნი. -
მიმდინარე წელს წარმატებებს მიაღწიეთ კლუბში, მაგრამ ვერა ნაკრებში. ხომ
არ ფიქრობდით, რომ შეიძლებოდა არგენტინა მსოფლიოს 2010 წლის ჩემპიონატს
მიღმა დარჩენილიყო?
- არა, არასდროს. მიუხედავად ჩვენს წინაშე არსებული სირთულეებისა, დარწმუნებული ვიყავი, რომ ფინალურ ეტაპზე გასვლას მოვახრეხებდით. - მომდევნო პერიოდი, იქნება თქვენთვის ყველაზე რთული?
- ერთმნიშვნელოვნად. ძალიან ძნელი იქნება წინა სეზონის წარმატებების
გამეორება. იმედი მაქვს, მომდევნო წელსაც მოწოდების სიმაღლეზე ვიქნებით.
რაც შეეხება პირად მიღწევებს – "ოქროს ბურთის” ზედიზედ ორჯერ მოგება,
შესანიშნავი იქნება.
