ბარსას და მექსიკის ეროვნული ნაკრების ცენტრალურ
მცველს, რაფაელ მარკესს იტალიური "ჯენოა” ეპატიჟება. იტალიური პრესის ცნობით "ჯენოა” მზადაა მარკესში 7 მილიონი ევრო
გადაიხადოს, ეს კი სწორედ ის თანხაა, რომლის სანაცვლოდაც "ბარსა” მზადაა
შეელიოს თავის მე-4 ნომერს. 31 წლის მცველის შეძენის კიდევ ერთი პრეტედენტია ტურინის "იუვენტუსი”,
მაგრამ ივარაუდება, რომ "ბებერი სინიორა” არც "ბარსას” და არც მარკესს
გენუელებზე უკეთეს შეთავაზებას არ გაუკეთებს. თავად მარკესი საკუთარ
მომავალთან დაკავშირებით კონკრეტულს ვერაფერს ამბობს: "ვერ გეტყვით
მომდევნო სეზონში კვლავ "ბარსელონაში” ვითამაშებ, თუ სხვა კლუბში. ახლა
მხოლოდ იმის თქმა შემიძლია, რომ შვებულებაში ვარ” – აცხადებს მექსიკის
ნაკრების კაპიტანი.
რაფაელ მარკესი "ბარსელონაში” 2003 წელს გადავიდა ფრანგული "მონაკოდან” და
7 სეზონის განმავლობაში კატალონიელთა რიგებში ჩატარებულ 240 თამაშში 12
გოლი გაიტანა. გასულ სეზონში, ესპანეთის ჩემპიონატში, მარკესმა 15 მატჩში
ითამაშა და აქედან მხოლოდ შვიდში ძირითად შემადგენლობაში. მექსიკელის
მდგომარეობას ისიც ართულებს, რომ გვარდიოლა პიკე-პუიოლის წყვილის შემდეგ
უპირატესობას სრულად გამოჯანმრთელებულ გაბრიელ მილიტოს ანიჭებს.
