ყაზანის რუბინთან უგოლო შეხვედრის მიუხედავად, ბარსელონას ფეხბურთელს, ზლატან იბრაჰიმოვიჩს არ აღელვებს გუნდის მესამე პოზიცია ჩემპიონთა ლიგის F ჯგუფში.
"ორი მატჩი დაგვრჩა და თუ კარგად ვითამაშებთ, პანიკის საფუძველი არ არსებობს,” აცხადებს იბრაჰიმოვიჩი კლუბის ოფიციალურ ვებ-გვერდზე. "ბევრი შანსი გვქონდა, მაგრამ არ გაგვიმართლა. ერთი გოლიც კი საკმარისი იქნებოდა.”
არადამაკმაყოფილებელი შედეგის მიუხედავად, მწვრთნელი გუარდიოლა გუნდის მთლიანი შესრულებით კმაყოფილი დარჩა. " საკმაოდ კარგი პირველი ნახევარი გვქონდა. თუმცა, მეორე ტაიმში აზარტმა აგვიყოლა და საქმე ამიტომაც გართულდა. ყაზანის რუბინი იმ გუნდთა შორისაა, რომელსაც კარგი ორგანიზება აქვს.” – ამბობს ის.
კითხვაზე, აწუხებდა თუ არა მწვრთნელს ის ფაქტი, რომ ბოლო სამ გასვლაზე ბარსამ მხოლოდ ერთი გოლის გატანა მოახერხა, გუარდიოლამ უარყოფითად უპასუხა. "ხანდახან შეიძლება ცუდად ითამაშო და გოლი მაინც გაიტანო, ხან კი პირიქით, კარგად გაართვა თავი მოვალეობებს და ვერ შეძლო ქულის მოპოვება. თუმცა გოლი მთავარი არ არის. მე მაინც კმაყოფილი ვარ გუნდის პერფორმანსით, გოლს კი სხვა დროს გავიტანთ.”