არგენტინა-ესპანეთის საგამოფენო მატჩის წინ "ინტერისა" და არგენტინის
ნაკრების ნახევარმცველმა ესტებან კამბიასომ განაცხადა, რომ თანამედროვე
ფეხბურთში ესპანეთის ნაკრები და "ბარსელონა" ყველასათვის მისაბაძი
მაგალითია. "ნებისმიერმა უნდა მიბაძოს ესპანელებს და ითამაშოს მასე ან
უკეთ, როგორც თამაშობს ეს ნაკრები. ვფიქრობ, "ფურია როხა" და "ბარსელონა"
სწორედ ის ორი საფეხბურთო გუნდია, რომელიც მისაბაძი მაგალითი უნდა იყოს.
ნეიტრალური გულშემატკივარი ყოველთვის უნდა მიდიოდეს ასეთი გუნდების
თამაშზე, რათა ნამდვილი ფეხბურთი იხილოს. თამაშით სტილით, იდეით,
სანახაობრიობით "ბარსელონა" ყველა კლუბზე წინ დგას", - განუცხადა
"ნასიონალს" "ინტერის" ნახევარმცველმა.
დიეგო მარადონასგან
ათვალწუნებული ფეხბურთელი ნაკრებში ახალმა თავკაცმა, სერხიო ბატისტამ
დააბრუნა - "ჩვენი მწვრთნელის სურვილია, ეროვნულ ნაკრებში ისეთივე
მენტალიტეტი ჩამოყალიბდეს, რაც "ბარსელონაში" და ესპანეთის ნაკრებშია.
ჩვენ გვსურს, რაც შეიძლება კარგად ვაკონტროლოთ ბურთი, როგორც მათ.
ვფიქრობ, საამისოდ არანაკლები ნიჭი გაგვაჩნია".
