გუშინ ღამით ესპანელებმა დავიდ ვილიას დუბლის წყალობით პირველი 3 ქულა მოიპოვეს მსოფლიო ჩემპიონატზე.
პირველ ტურში განცდილი მარცხის შემდეგ, ესპანელებმა ჰონდურასი დაამარცხეს.
მთელი თამაში ევროპის ჩემპიონები უდიდეს უპირატესობას ფლობდნენ.
ჰონდურასელებს კასილასი თითქმის არც შეუწუხებიათ. განსხვავებით
შვეიცარიასთან მატჩისა, ვისენტე დელ ბოსკემ ოდნავ განსხვავებული
შემადგენლობა გამოიყვანა მინდოერზე და უნდა ითქვას, რომ ამან გაამართლა.
სილვას და ინიესტას ნაცვლად ტორესმა და ნავასმა ითამაშეს. ამ უკანასკნელმა
განსაკუთრებით კარგი მატჩი ჩაატარა და საგოლე გადაცემაც მიითვალა..
ანგარიში 17-ე წუთზე დავიდ ვილიამ გახსნა. "ბარსას” ფორვარდმა მცველებთან
ჭიდილში მაინც მოახერხა და შორეულ მაღალ კუთხეში გაგზავნა ბურთი. მეკარე
ვალადერასი უძლური აღმოჩნდა. ესპანელებს შეეძლოთ პირველივე ტაიმში
ანგარიშში სხვაობა გაეზარდათ, მაგრამ ვილიას, ტორესის, ხავის და ალონსოს
დარტყულებს ხან სიზუსტე აკლდათ, ხანაც ვალარედასი იყო მოწოდების
სიმაღლეზე. მეორე ტაიმიც "ფურია როხას” უპირატესობით დაიწყო. მეორე ოგლი
51-ე წუთზე გავიდა. ხესუს ნავასის კარგი გადაცემით ისარგებლა ვილიამ და
საჯარიმოს ხაზიდან რიკოშეტის დახმარებით ანგარიშში სხვაობა ორამდე
გაზარდა. ათიოდე წუთში ვილიას შეეძლო ჰეთთრიკის შესრულება. ხესუს ნავასი
საჯარიმოში წააქციეს და 11 მეტრიანი დაინიშნა, რომელიც "ვალენსიას”
ყოფილმა ფოვარდმა ცუდად შეასრულა. მან ბურთი კარს ააცილა. ვილიას კიდევ
არაერთი მომენტი ჰქონდა, მაგრამ მან ვერცერთის გამოყენება ვერ შეძლო.
საბოლოო ანგარიში 2:0 დაფიქსირდა. ამ ჯგუფის ბოლო ტურის მატჩები 25 ივნისს
გაიმართება. ესპანეთი – ჩილეს დაუპირისპირდება, ჰონდურასის მეტოქე კი
შვეიცარიის ნაკრები იქნება.
ესპანეთი
კასილასი, რამოსი (არბელოა), პუიოლი, პიკე, კაპდევილა, ბუსკეთსი, ჩაბი ალონსო, ჩავი (ფაბრეგასი), ნავასი, ტორესი (მატა), ვილია.
ჰონდურასი
ვალადერასი, მენდოზა, ჩავესი, ფიგეროა, იზაგუირი, პალასიოსი, გევარა,
მარტინესი, ესპინოზა (ველქამი), ტურსიოსი (ნუნიეზი), სუაზო(პალასიოსი).
გოლები: 17′, 51′ – დავიდ ვილია.
გაფრთხილება: ტურსიოსი, იზაგუირი.
