"კამპ ნოუზე” ტურის ცენტრალურ შეხვედრაში ადგილობრივმა კლუბმა ყველა
კომპონენტში დაჩაგრა იტალიის ბოლო წლების საუკეთესო კლუბი და ეს გააკეთა
სერიოზული საკადრო პრობლემების ფონზე. გუშინდელ შეხვედრაში კიდევ ერთხელ
გამოჩნდა პეპ გვარდიოლას სამწვრთნელო ტალანტი, რომელმაც თვით ჟოზე
მოურინიოს პირწმინდად მოუგო ორთაბრძოლა. "ბარსელონას” და "ინტერის”
დაპირისპირება თავიდანვე მასპინძლების უპირატესობით დაიწყო. თუ საწყის
წუთებში ხავის, პუიოლს და ალვეშს მიზანმა უმტყუნა, მე-10 წუთზე ზუსტად და
შედეგიანად გაისროლა ხერარდ პიკემ, რომელმაც მეტოქის კართან კუთხურის
მოწოდების დროს პოზიცია კარგად შეარჩია და სეზარს ახლო მანძილიდან
გაუტანა. გატანილი გოლის შემდეგ კატლონიელებმა კიდევ უფრო დიდი
უპირატესობა მოიპოვეს და 26-ე წუთზე შესანიშნავი კომბინაციის წყალობით
სოლიდური სხვაობითაც დაწინაურდნენ. ინიესტას და ხავის მიერ ბურთის
გათამაშებას ამ უკანასკნელის შესანიშნავი გადაცემა და დანი ალვეშის
მარჯვენა ფლანგზე ძალზე კარგ სიტუაციაში დარჩენა მოჰყვა. ამ დროს
მილანელთა მცველებმა ყურადღება კარის წინ მყოფ ანრიზე გადაიტანეს,
ბრაზილიელმა მცველმა კი საპირისპირო ფლანგიდან საჯარიმოში შეჭრილ პედრო
გონსალესს უპასა და ამ უკანასკნელმაც მიმდინარე სეზონში, ყველა ტურნირის
ჩათვლით, თავისი მე-9 გოლი გაიტანა. საინტერესოა, რომ პედრო ამ გოლით
კლუბის ბომბარდირთა შორის მეორე ადგილზე გადავიდა და მხოლოდ მესის
ჩამორჩება. "ბარსას” უპირატესობით ჩაიარა მეორე ტაიმმაც და შესვენებამდე
მცირე ხნით ადრე კეიტას შეეძლო ანგარიშისთვის გამანადგურებელი სახის
მიცემა, მაგრამ მალელმა ფეხბურთელმა სეზარს ვერ აჯობა.
შესვენების შემდეგ მოურინიომ გვარდიოლას კვლავ ვერაფერი დაუპირისპირა, რის
შედეგადაც, ლიდერების გარეშე მოთამაშე "ბარსელონა” ჯგუფს სათავეში ჩაუდგა,