ბარსამ F ჯგუფის თავში
გადაინაცვლა კიევის დინამოს 2-ქულიანი სხვაობით დამარცხების შემდეგ.
პირველ ნაწილში მესის მიერ გატანილმა გოლმა ბარსა გამარჯვების გზაზე
დააყენა, ხოლო მატჩის დასრულებამდე 15 წუთით ადრე პედრომ საბოლოო ანგარიში
დააფიქსირა. ანდრეს ინიესტა საწყის შემადგენლობას დაუბრუნდა, თუმცა ის
მეორე ნახევარში ჩაანაცვლეს.
თამაში საკმაოდ საინტერესოდ დაიწყო. ორივე გუნდს გოლის გატანის შანსი ჰქონდა, დინამო კი ჩვენს დაცვას საფრთხეს უქმნიდა რამდენიმე სახიფათო ჩაწოდებით. მე-9 წუთზე მილევსკიმ შეასრულა თავისუფალი დარტყმა. ბარსასაც ჰქონდა რამდენიმე მომენტი, კერძოდ, მესიმ და კეიტამ მოახერხეს დინამოს დაცვის ბლოკირება და მე-14 წუთზე მესიმ ინიესტას ჩააწოდა, რომელიც ჩაწოდებისთვის მზად იყო, მაგრამ მის წინააღმდეგ აგრესიულად ითამაშეს, მსაჯმა კი პენალტი არ დანიშნა.
მე-20 წუთზე საგოლე მომენტს გადავურჩით, ალვეშმა მოახერხა სიტუაციის განმუხტვა, ხოლო იბრაჰიმოვიჩმა ოსტატურად ჩამოიტოვა ორი მცველი და ინიესტასთვის პასის გაკეთება უნდოდა, როცა მისი გადაცემა ჩაჭრეს. დინამო 25-ე წუთამდე იბრძოდა, თუმცა მალე ბარსა დაეუფლა უპირატესობას. ინიესტამ ჩააწოდა მესის, რომელიც შევარდა საჯარიმოში და შოვკოვსკიმ ვერ შეძლო მისი დაბალი დარტყმის მოგერიება.
გოლის შემდეგ ბარსამ მკვეთრად მოუმატა თამაშის ტემპს. იმის მიუხედავად, რომ იბრაჰიმოვიჩს გოლი არ გაუტანია, ეს მაინც მისი საუკეთესო თამაში იყო ბარსას რიგებში. 27-ე წუთზე მან ზუსტი ჩაწოდება გააკეთა მესის მიმართულებით, მაგრამ მეკარემ სწრაფად მოახერხა ბურთის აღება. აღსანიშნავია, აგრეთვე, ხავის პასი იბრაჰიმოვიჩისკენ, თუმცა ამშემთხვევაშიც, მეკარემ მოახერხა კუთხის დაბლოკვა. ხავის ერთი წუთის განმავლობაში ორი მცდელობა ჰქონდა, მაგრამ შოვკოვსკიმ ორივე შემთხვევაში ადვილად მოახერხა სიტუაციის გაკონტროლება.
ბარსელონა მეორე ნახევარშიც დომინირებდა, თიმცა დინამოს აქაც ჰქონდა რამდენიმე სახიფათო მომენტი. 47-ე წუთზე ალვეშმა იბრაჰიმოვიჩს ჩააწოდა, რომელმაც წარმატებით გადალახა ყველა დაბრკოლება, მაგრამ ბურთი პირდაპირ მეკარეს მიუვიდა. შემდეგი შანსი არ მოგვცემია 64-ე წუთამდე, როცა ხავიმ ჩააწოდა მესის. მან ვერ მოახერხა კარისკენ ბურთის გაგზავნა მცველის წინააღმდეგობის გამო. ერთი წუთის შემდეგ პუიოლმა კუთხური ჩააწოდა და მალევე მეორე გოლის მცდელობა ვნახეთ იბრაჰიმოვიჩის მარცხენა ფეხით, თუმცა მეკარის შესანიშნავი რეაქციის დამსახურებით, დინამოს კარი გადარჩა.
76-ე წუთზე მესიმ დიაგონალური გადარბენით ბურთი იბრაჰიმოვიჩს გადააწოდა მარცხენა ნახევარზე, რომელმაც ზუსტი პასი მისცა პერდოს, მან კი შეძლო ბარსას უპირატესობის გაზრდა. ამ გოლის შემდეგ ბარსას მოდუნების საშუალება მიეცა, დინამო კი გააქტიურდა. ბუსკეტსის შეცდომის შემდეგ, მილევსკის გოლის გატანის შანსიც ჰქონდა, თუმცა მცდელობა წარუმატებლად დასრულდა.
თამაში უფრო რთული იქნებოდა რომ არა მესის პირველი გოლი. დინამომ აჩვენა, რომ კარგი გუნდია, მაგრამ ჩამორჩენის შემდეგ საკმაოდ გაუჭირდათ რეაგირება. ბარსას შესრულებას საუკეთესოს ვერ ვუწოდებთ, თუმცა ამ მატჩის მოგება ნამდვილად დავიმსახურეთ.
ბარსა ამჟამად 4 ქულით ჯგუფში პირველ ადგილზეა, დინამო მეორეზე, სამი ქულით, ინტერს 2 ქულა აქვს, ხოლო ყაზანის რუბინს ერთი ქულა აქვს.
რეიტინგი: ვალდესი _ 6.5;
ალვეში _ 6.5;
პიკე _ 7;
პუიოლი _ 7.5;
აბიდალი _ 7;
ხავი _ 7;
ტურე _ 6.5;
კეიტა _ 6;
მესი _ 7;
იბრაჰიმოვიჩი – 8;
ინიესტა _ 7.5.
გოლები: მესი _ 25-ე წუთი; პედრო _ 76-ე წუთი.
