პირველ ნახევარში პედრო
როდრიგესის მიერ გატანილი გოლი საკმარისი აღმოჩნდა ბარსასთვის ზედიზედ
მეექვსე გამარჯვების მოსაპოვებლად. სამწუხაროდ, ეს მატჩი კამპ ნოუზე
აქამდე ჩატარებულ თამაშებს შორის ყველაზე ნაკლებად დაძაბული გამოდგა.
ბარსა რიტმის აკრეფას ცდილობდა, ალმერია კი ერთ-ქულიანი სხვაობის
შენარჩუნებას, რათა ბოლო წუთებზე შესძლებოდათ ანგარიშის გათანაბრება.
ჩვენ პირველი შანსი გვქონდა მე-9 წუთზე, როცა ინიესტამ მესის ჩააწოდა საჯარიმოში. მესის კონტროლი შესანიშნავი იყო, თუმცა კუთხიდან დარტყმა საკმაოდ ასცდა კარს. მე-16 წუთზე მაქსველის შეცდომამ სახიფათო მდგომარეობა შექმნა ბარსას კართან, როცა კრუსატი საჯარიმოში მარჯვნიდან შევიდა, მისი დაბალი დარტყმა ვალდესმა ხელისგულით მოიგერია, თუმცა ბუსკეტსმა მოახერხა სიტუაციის განმუხტვა, სანამ ალმერიას ფეხბურთელები შეტევის გამწვავებას შეძლებდნენ.
მე-18 წუთზე გოლის გატანის შესანიშნავი შანსი მოგვეცა, როცა იბრაჰიმოვიჩი მარჯვედ გასცა მარჯვენა მცველს, ბურთი ხავიმ მიიღო, მაგრამ მისი მარცხენა ფეხით დარტყმული მეკარის ფეხს მოხვდა და გამოვარდა.
31-ე წუთზე იბრაჰიმოვიჩმა გაუთამაშა მაქსველს, რომელმაც ბურთი პედროს გადააწოდა. მან კი შეუჩერებელი დარტყმით ბურთი მაღალ კუთხეში გაგზავნა.
გოლის შემდეგ ალმერიას ტაქტიკა არ შეცვლილა. საინტერესო იყო ჩიკოს სტრატეგია, რომელიც ხანდახან მის გვერდით ჩავლილ ბურთსაც კი აიგნორებდა, რათა ხავი უმეთვალყურეოდ არ დაეტოვებინა. ბარსას სხვა არაფრის გაკეთება აღარ სჭირდებოდა, თუ არა, უპირატესობის შენარჩუნება და ნაკლები რისკი.
ერთი საათის შემდეგ მარკესი პიკეთი შეიცვალა, მაგრამ საერთო მდგომარეობა, არსებითად, იგივე დარჩა. მესი ახლოს იყო გოლის გატანასთან, მაგრამ აღსანიშნავი მომენტი 77-ე წუთი იყო, როცა იბრაჰიმოვიჩმა ტურესგან მიიღო ბურთი და გაგზავნა დაბალ კუთხეში, თუმცა დიეგო ალვეშმა კარი იხსნა.
დასასრულს მიახლოებასთან ერთად მოგვიწია თავი დაგვეცვა რამდენიმე თავისუფალი დარტყმისა და კუთხურისაგან, მაგრამ ვალდესს ეს არ გასჭირვებია. უსამართლობაც იქნებოდა, რომ ასეთი დაბალი დონის პერფორმანსის შემდეგ, ალმერიას ანგარიშის გათანაბრება მოეხერხებინა.
სამწუხაროდ, ზლატან იბრაჰიმოვიჩმა ვერ მოახერხა გოლის გატანა თავის 28-ე დაბადების დღეს, თუმცა გუნდის შედეგები უკეთესობისკენ მიდის.
რეიტინგი: ვალდესი _ 6.5;
ალვეში _ 6.5;
მარკესი _ 6;
პუიოლი _ 7.5;
მაქსველი _ 6.5;
ხავი _ 6.5;
ბუსკეტსი _ 5.5;
ინიესტა _ 6;
მესი _ 6.5;
იბრაჰიმოვიჩი _ 6.5;
პედრო _ 7.
