კიდევ ერთი კვირის განმავლობაში ბარსა ლა ლიგის ლიდერად რჩება მალიორკასთან მოგების შემდეგ. პედრო როდრიგესმა გაამართლა გუარდიოლას იმედები და გუნდს ორი ქულა მოუტანა, ანრიმ და მესის პენალტმა კი მოგება დააგვირგვინა და გუნდს გარანტირებული სამი ქულა შესძინა. გუარდიოლამ ყველა გააკვირვა მესის, ხავის, ინიესტას და დანი ალვეშის სათადარიგოზე დატოვებით. თუმცა, სულ რაღაც 11 წუთის შემდეგ ჩვენი უპირატესობა აშკარა გახდა. პიკემ ბურთი წინ გაათამაშა, იბრაჰიმოვიჩმა მიიღო და მოქნილი ზუსტი მოძრაობით პედროს გადააწოდა, რომელმაც ძლიერი დარტმით ანგარიში გახსნა. თუმცა პირველმა გოლმა ვერ შეძლო ბარსას უპირატესობის დამტკიცება. მე-19 წუთზე ბურთმა პიკეს და ჩიგრინსკის შორის გააღწია და ვებოს შანსი მისცა, თუმცა ვალდესმა შეძლო კარის გადარჩენა. პიკემ კუთხიდან სცადა ბურთის მოგერიება, მაგრამ მხოლოდ შორეულ კუთხეში გადაგდება შეძლო, საიდანაც ნუნესი კეიტას გასცდა და მე-20 წუთზე ანგარიში გაათანაბრა. მეორე გოლის შემდეგ თამაში უმოქმედობის ფაზაში შევიდა და არცერთ გუნდს არ ჰქონია სახიფათო მომენტი. მე-40 წუთზე კეიტამ გრძელი პასი მიაწოდა პედროს, შეტევა მეკარემ მოიგერია. მან ასევე შეძლო ანრის და ბუსკეტსის დარტყმების მოგერიება, თუმცა უძლური აღმოჩნდა პედროს დუბლის წინაშე. პირველი ნახევრის ბოლო წუთებში, 44-ე წუთზე ანრის სწრაფი რეაქციის დამსახურებით, მან სეზონზე თავისი პირველი გოლი გაიტანა და ანგარიში 3-1 გახადა პირველ ნახევარში. მეორე ნახევარში პედროს მესი ჩაენაცვლა, თუმცა ამას არანაირი შედეგი არ მოჰყოლია. ჩიგრინსკიმ, რომელიც ისევ საკმაოდ არაკომფორტულად გამოიყურება დაცვაში, სახიფათო შეცდომა დაუშვა, თუმცა ტურემ სიტუაციის განმუხტვა შეძლო. იბრაჰიმოვიჩმა შესანიშნავად შეძლო ბურთის კონტროლი მთელი მატჩის განმავლობაში, თუმცა მას მხარდაჭერა აკლდა თანაგუნდელებისგან. ბოლო ათი წუთის განმავლობაში ბარსა ისე თამაშობდა, როგორც ველოდით. ინიესტას და ხავის მოედანზე დაბრუნებამ მატჩს აზარტი შემატა. 87-ე წუთზე მესიმ პენალტის გამოყენება შეძლო. თუმცა ბოლო, 90-ე წუთზე ალასან კეიტამ საბოლოო ანგარიში – 4:2 დააფიქსირა. მიუხედავად იმისა, რომ ბარსა ვერ იყო იდეალურ ფორმაში, მატჩი საკმაოდ საინტერესო და უხვგოლიანი გამოვიდა. გუარდიოლამ სენსაციური გადაწყვეტილება მიიღო მესის გამოტოვებით, თუმცა, სავარაუდოდ, ეს ერთგვარი სიგნალი იყო სხვა ფეხბურთელთა გამოსაცოცხლებლად. პედრომ კარგად გამოიყენა ახალი შანსი, იბრაჰიმოვიჩსაც საკმაოდ კარგი მომენტები ჰქონდა, მიუხედავად იმისა, რომ პირადად გოლი არ გაუტანია. ვიქტორ ვალდესმა საკმაოდ კარგად აჩვენა თავი. დასანანია, რომ მისი ორი საუკეთესო მოგერიების შემდეგ, მეორე ნახევრის ბოლოს, გოლი მ აინც გავიდა. რაც შეეხება უარყოფით მხარეს, პიკე და ჩიგრინსკი თითქოსს ვერ შეეწყვნენ ერთმანეთს. უდავოა, პიკე გამოასწორებს, ჩიგრინსკი კი არც ისე კარგად გამოიყურება მოედანზე. თუ უკრაინელი სასწრაფოდ არ გააკეთებს იმას, რისთვისაც გუნდში მოიყვანეს, შესაძლოა ბარსამ ინანოს კიდეც თავისი გადაწყვეტილება.
