"ბარსელონას" ნახევარმცველი ანდრეს ინიესტა თვლის, რომ ყაზანის "რუბინთან"
შეხვედრის ფრედ დასრულება არცთუ მთლად მიუღებელე შედეგია და ამაზე ქვემოთ
მოყვანილ მცირე ინტერვიუშიც საუბრობს.
– ბურთს საკმაოდ კარგად
ვაკონტროლებდით და გოლის გატანას საფინალო სასტვენამდე ვეცადეთ, მაგრამ
ბურთი კარის ხაზს უბრალოდ არ კვეთდა, ცრუმორწმუნე რომ ვიყო, ვიტყოდი
ვინმემ მოაჯადოვაო.
– გუნდში რა განწყობაა, ძალიან უკამყოფილო ხართ ამ შედეგით?
ყაზანში
სასეირნოდ არ ჩამოვსულვართ, ამინდის პროგნოზიც ვიცოდით და ველოდით, რომ
თამაში უმძიმეს პირობებში მოგვიწევდა. ვფიქრობ, მთავარია ყველაფერი რაც
მოხდა, უკვე ისტორიის ნაწილად ვაქციოთ და ამ ქულას როგორც მოპოვებულს, ისე
შევხედოთ, ეს ჩვენს ფსიქოლოგიურ განწყობას აამაღლებს.
– მოახერხებს "ბარსელონა" ჯგუფიდან გასვლას?
როგორც
ვიცი, შემდეგ ეტაპზე გასასვლელად დარჩენილი ორი მატჩის მოგებაა საჭირო,
ასე რომ ყველაფერი ჩვენს ხელთაა. "ბარსელონა" ისევ რჩება ჩემპიონთა ლიგის
მთავარ ფავორიტად და მერწმუნეთ, ეს ლიტონი სიტყვები არ გახლავთ .