საქართველოს ნაკრების ფორვარდი ვლადიმერ ბოისა 2010-11 წლების სეზონში
სლოვენიის "ოლიმპიას" ღირსებას დაიცავს. ეს ინფორმაცია გუშინ სლოვენიურმა
გამოცემა "კოშარკამ" გაავრცელა. მართალია, ვოვას ლიუბლიანელებთან
კონტრაქტი არ გაუფორმებია, მაგრამ კლუბის გენერელური მენეჯერის იანის
რაიგელის თქმით, ბოისა "ოლიმპიას" ტრავმის მოშუშებისთანავე შეუერთდება.
მუხლის ტრავმის შემდეგ რეაბილიტაცია დეკემბრამდე გასტანს. ვოვამ ფეხი
ივნისში, ხორვატიის ჩემპიონატის ფინალური სერიისას "ციბონასთან" მატჩში
დაიზიანა. სწორედ ამის გამო გამოტოვა აგვისტოს სანაკრებო შესარჩევი
ტურნირი. იგი ამჟამადაც ხორვატიაშია...
D ჯგუფში ნამდვილი საფეხბურთო სპექტაკლი ვიხილეთ... რა თქმა უნდა,
"ბარსელონას" შესრულებით, სისეს პასით გოვუმ დააწინაურა "პანათინაიკოსი",
მაგრამ "ერკულესი" აღარ გამეორდა - "ბარსელონამ" 5 ერთმანეთზე უკეთესი
გოლი გაუტანა ბერძნულ გუნდს. ლეო მესი პირველი დუბლის ავტორია, თუმცა მას
ჰეთ თრიკის შესრულებაც შეეძლო (პენალტი მეკარემ აუღო). არგენტინელმა
დიდებულად ითამაშა.
ამ ჯგუფში
ოთხმა ჩემპიონმა მოიყარა თავი, მაგრამ "ბარსელონა" მაინც უპირობო
ფავორიტია, დანარჩენებს კი მხოლოდ მეორე ადგილზე მოუწევთ ფიქრი. "ბარსამ"
უქმეებზე დაამტკიცა, რომ სუსტებთან წაფორხილება "შეუძლია" - კატალონიელები
"ნოუ კამპზე" "ერკულესთან" დამარცხდნენ (0:2). პეპ გვარდიოლამ ამ
მატჩისთვის ჩავი, ბუსკეტსი, დანი ალვეში და პედრო დაასვენა.
|
დაამატა:
beqa |
(სამშაბათი)
884. |
ქართული ჩოგბურთი
ანა ტატიშვილმა (147) წარმატებით დაძლია WTA-ს ტურნირის პირველი წრის
მატჩი და მერვედფინალშია. საქართველოს პირველი ჩოგანი კვებეკში (კანადა)
მიმდინარე "ბელ ჩელენჯზე" ლამის ყველაზე ცუდი რეიტინგისაა, რადგან
ტურნირის საპრიზო ფონდი 220 ათასი დოლარია. პირველ წრეში ქართველის მეტოქე
მსოფლიოს ყოფილი მე-8 ჩოგანი ალისია მოლიკი (ავსტრალია, 90) იყო.
ჩვენებურმა სამ სეტში აჯობა მატჩის ფავორიტს - 3:6, 6:2, 6:2. ანა
ტატიშვილის მეტოქე მე-5 ნომრად განთესილი მელანი ოუდინისა (აშშ) და ალისონ
რისკეს შორის გამარჯვებული იქნება. ანამ ამ მოგებით 30 სარეიტინგო ქულა
მოიპოვა.
შაბათი დღე უიღბლო გამოდგა ბარსას ესპანელ ცენტრალურ მცველ ხერარდ პიკესთვის. მას ერკულესთან მატჩში მეკარე კალატაიუდთან შეჯახებისას წარბი გაუსკდა, ამიტომ მას მოუწევს რამოდენიმე დღით დასვენება.