"ბარსას” მთავარმა მწვრთნელმა ხოსეპ გვარდიოლამ კლუბთან კონტრაქტი ერთი წლით გაახანგრძლივა.
ამის შესახებ კატალონიელების ოფიციალური ვებ-გვერდი იუწყება.
გვარდიოლას მსგავსად, ამავე ვადით კლუბთან ახალი კონტრაქტი დადო მისმა
თანაშემწემ ტიტო ვილანოვამ. ხელშეკრულების გაფორმების პროცესი
"ბარსელონას” ოფისში კლუბის პრეზიდენტის სანდრო როსელისა და სხვა
ოფიციალური პირების თანდასწრებით შედგა.
სხვათა შორის, გვარდიოლამ მიმდინარე წლის თებერვალში განაცხადა, რომ
"ბარსაში” კიდევ, ყველაზე ცოტა, ერთი წელიწადი დარჩებოდა და დანაპირები
შეასრულა.
ფრანგი თავდამსხმელი ტიერი ანრი, რომელმაც ბოლო 3 სეზონი "ბარსაში”
გაატარა, ამერიკის შეერთებული შტატების კლუბ "ნიუ იორკ რედ ბულზის”
ფეხბურთელი ოფიციალურად გახდა.
ამის შესახებ სააგენტო AP იუწყება.
"ბარსელონას” მცველმა კარლეს პუიოლმა ესპანეთის ეროვნულ ნაკრებში კარიერა ოფიციალურად დაასრულა.
ამის შესახებ ავტორიტეტული ესპანური გამოცემა Marca იუწყება.
32 წლის ფეხბურთელმა ჯერ კიდევ გასული წლის ნოემბერში განაცხადა, რომ 2010
წლის მსოფლიოს ჩემპიოანტის შემდეგ, ეროვნულ გუნდს დაემშვიდობებოდა.
სამშაბათ საღამოს, პუიოლი ესპანელთა თავკაც ვისენტე დელ ბოსკესა და
ფეხბურთის ფედერაციის სპორტულ დირექტორს ფერნანდო იეროს შეხვდა, რის
შემდეგ, განაცხადა, რომ გადაწყვეტილებას არ შეცვლის და ნაკრებს დატოვებს.
აქედან გამომდინარე, მან დელ ბოსკეს თხოვა 11 აგვისტოს მექსიკასთან
გასამართი ამხანაგური შეხვედრისთვის არ გამოიძახოს. სხვათა შორის, პუიოლმა
ნაკრებში პირველი მატჩი 2000 წელს ჰოლანდიასტან ჩაატარა, ხოლო ბოლო
შეხვედრა მსოფლიო პირველობის ფინალში ასევე "ნარინჯისფერებთან” გამართა.
საერთო ჯამში, მან ესპანელთა ღირსება 90-ჯერ დაიცვა და 3 გოლი გაიტანა.
გვარდიოლამ ერთი წლით გაახანგრძლივა
დაამატა:
beqa |
(ოთხშაბათი)
1154. |
მწრთვნელები
